Ibang presidential bet nangamote sa survey! Lacson patok posisyon sa WPS

Ibang presidential bet nangamote sa survey! Lacson patok posisyon sa WPS

Napukaw ang atensiyon ng nakakaraming Pinoy sa problemang bumabalot sa mga pag-aari ng Pilipinas na bahagi ng West Philippine Sea (WPS) matapos na dalawin ni Partido Reporma standard bearer Panfilo Lacson ang Pag-asa Island kamakailan lamang.

Ito ay kung ibabatay sa isang survey na idinaos matapos ang pagtuntong ni Lacson sa nabanggit na islang pinapaligiran ng mga barko ng China sa kabila ng katotohanang ito ay sakop pa ng Pilipinas bilang bahagi ng bayan ng Kalayaan na nasa lalawigan ng Palawan.

Sa survey ng The Power of Truth, na isinagawa isang linggo matapos ang pagdalaw ng presidential bet ng Partido Reporma sa isla, nanguna ang tambalan nina Lacson at Senate President Vicente Sotto III matapos madagdagan ang puntos kumpara sa ibang mga tumatakbong presidente at bise presidente sa Halalan 2022.

Nakuha ni Lacson ang 71 porsyentong boto habang si Sotto naman ay nakakuha ng 70 porsyento mula sa 2,000 lumahok sa independent survey na ginawa online.

Sinagot ng mga lumahok sa presidential at vice presidential survey ang tanong na “Sino ang iyong presidential bet para sa 2022 Philippine national election?” Binase ang mga kandidato mula sa listahan ng mga naghain ng certificate of candidacy sa Commission on Elections (Comelec).

Natabunan ni Lacson sina Vice President Leni Robredo (12%) at anak ng dating pangulo na si Ferdinand Marcos Jr. (8%) habang nakakuha ng halos magkakapantay na dalawang porsyento ng boto ang iba pang mga kandidato sa pagkapangulo.

Samantala, nananatili pa ring malakas na kandidato bilang bise presidente si Sotto ng Nationalist People’s Coalition (NPC), sa kabila ng pagtakbo ng presidential daughter na si Davao City Mayor Sara Duterte-Carpio, na may 14 porsyento sa survey.

Bukod kay Duterte, nahigitan din ni Sotto sina Senador Kiko Pangilinan, Dr. Willie Ong, Walden Bello, at si House Deputy Speaker Lito Atienza.

*********