Ping, Pabor sa Pagkakaroon ng Negros Island Region

 Ping, Pabor sa Pagkakaroon ng Negros Island Region

Nobyembre 14, 2021 (BACOLOD CITY) - Pabor si Senador Ping Lacson sa pagkakaroon ng Negros Island Region kung mas makabubuti ito sa mga residente rito.

"Kung ma-improve ang lot ng buhay dito, why not? I'm always for the development of local government entities," ani Lacson na tumatayong standard bearer ng Partido Reporma sa kanyang panayam sa RMN Bacolod (DYHB).

"Whatever it takes to uplift the lives of our people in Negros or anywhere else, why not?" dagdag ng presidential aspirant.

Ipinatupad ang pagkakaroon ng NIR mula 2015 hanggang 2017. Layon nitong pag-isahin ang Negros Occidental na nasa Western Visayas; at Negros Oriental, na nasa Central Visayas.

Sinabi rin ni Lacsob na kung pabor ang mga tao sa Negros Island na magkaroon ng NIR, walang dahilan ang gobyerno para hindi ito payagan.

"We should follow the will of the people, especially if the measure concerned has been studied thoroughly," paliwanag ng senador matapos sabihin ng anchor na si anchor Serge Santillan na sang-ayon ang mga residente sa pagkakaroon nito.

Nandito sina Lacson at ang kanyang ka-tandem na si Senate President Vicente "Tito" Sotto III, na tumatakbo sa ilalim ng Nationalist People's Coalition, para sa isang Kumustahan kasama ang mga residente. Mainit ang naging pagtanggap sa tambalang Lacson-Sotto sa kanilang pagbisita dito sa Bacolod City.

Kasama ni Lacson at Sotto ang Partido Reporma senatorial bets na si Minguita Padilla at Monsour del Rosario.

*********